ജീവിതം എന്നൊരു നാടകം അതിലൊരു
കോമരമായി ഞാൻ നിൽക്കുന്നു
ഭാവിയതാം വാതിൽ പടിയിൽ
പാദങ്ങൾ ഞാൻ വെക്കുമ്പോൾ
വിധിയുടെ വരകൾ എഴുതിയ രാത്രിയിൽ
ഭയമത് കിറിയ മുറിവുകളും
ഇന്നും എൻ കൈരേഖകളിൽ
ഉണങ്ങിയ ചോര പാടുകളും
എൻ ചിന്തകളും എൻ വ്യാധികളും
വിധിയുടെ കളിയെന്നറിയുന്നു
ഉയരും നെഞ്ചിൻ തുടിപ്പിൽ
കേൾകാം കുത്തിയിറക്കിയ കത്തികളും
എന്നുടെ ഉടലിൻ ദശയിൽ നീ
കെട്ടി തൂക്കിയ സംസ്കാരം
ഇന്നും ഒഴിയ ബാധയതായി
എന്നെ ചുറ്റി നടക്കുന്നു
എന്നുടെ മാറു മറച്ചു നീ
വരയിട്ട് എഴുതിയ സംസാരം
ഇന്നും ഒളിവിൻ മറയത്ത്
എന്നെ ചുണ്ടി ഇരിക്കുന്നു...
20/03/2025
